Komunitas Anak Dayak Maanyan (KOMANDAN) jln. Nansarunai RT.V, dabung (depan RSUD Tamiang Layang), Kabupaten Barito Timur, contact personne : (ebbi)+6285249537058, PIN BB 27011fe5 (Alfirdaus) +621351946584 e-mail komandan_maanyan@yahoo.com komandanmaanyan@gmail.com

Sabtu, 25 Januari 2014

bahasa sastra dayak maanyan

sulin ngabulian riak rayu rungan



TUMET LEUT
TUMET merupakan rangkaian Bahasa Sastra Adat Dayak Maanyan, penuh akan kiasan-kiasan yang tak bisa di artikan per bagian kata. Menggunakan Bahasa Adat yg disebut "PANGUNRAUN" yang dapat di lantunkan dengan berbagai macam versi nada disebut dengan LEUT.     
Erang hila aku manyiangan lengan, rueh makis kuai manatuien leut
Supan wae aku manyiangan lengan, sidap sarung kuai minutuien leut
Daya budu dintung aku ngandrei watang tenga, dilu nate kuai nunup pakun munuk
Daya puang uweng aku bagaguru nginung, Anuh naan kuki bagukawit ngapang
Daya mulur tuntut kawan kula hengau, muji hapinaku dapa kawan
Luwan ekah kene aku pundrik nelang iyeng, wuwar uyu nisi sirum lintu

Siang lengan aku lawu nyantabe’en, tatui leut kuai ngugur nyamangaten
Nyantabe’en ulun sa tumang anak matu, ngugur nyamangaten ulun juat pasunringan kihi
Nyantabe’en ma padu mamantiran, nyamangaten ulun umun kanang haji
Nyantabe’en ma padu rumung rama, nyamangaten ma ipah bawai wahai

Biar jatuh taun nanan taluk nansarunai, riwu wulan nului gumi ngamang talam
Biar haut ingamuku kala gunung kulun, inyanapeh alang watu inen
Ada wewung awe kawan sarunai ngamang talam liwat guru
Masih ngitung kuta maga, nyawu iwu tane janang
Ngitung liung kuta lingga nyabu abar nama
Magun ngitung liung pasanakan, lagi tatap nyawu iwu pihansuran
Biar sarunai galis ina eme angang, ngamang talam jarah maku lungkang
Sarunai galis tumu padang, ngamang talam di’it pujan panri
Biar sarunai galis rakit apui, ngamang talam jarah sia tutung
Biar sarunai galis jari danau, ngamang talam jarah janang luau
Uneng puting lutut amah jarang mula, bumang ratai bapang suga ire
Ekat teka yiru papisahan pangunraun jatuh, pihanrayan ngapet malem balah riwu
Usul asal pangukani maleh, tutur tunreng panguratus runsa
Usul asal kawan kakatuhen, tutur tunreng kajayaen
Babat liung pinggang samilakur ngakeh untun tuwing
Lagi usul asal kawan era janyawai, asal kawan tumet leut
Tarus ngalut ilai pangunraun rama, ngunau angkuh ngampet malem balah wahai
Usul asal tarung nasarita, mula paner jampa
wadian pangunraun jatuh, bulanut ngampet malem balah riwu

Hampe tau ina enei erang tumpuk natat, ina uit ma gumi halaman
Wau pantaruan ma’anyan sarumpunan, pantahulan suku sarumayan
Pantaruan takam lagi mira basa, pantahulan takam isa tarung lengan
Biar sihalu erang tumpuk ulun lain, isingkahung iwu tane hapabukan
Amun nyanrengei andri panulingu, nyansiliken iwu lumping mayang
Yiru takam lagi batung mira putut, telang nyanselukan lawi
Yeru siri pangkan datu sameh teka nansarunai, palai miharaja teka gumi ngamang talam
Pantaruan jatang itawari, pantahulan wasi sihinra’an
Pantaruan lagi mira purun tunun, pantahulan masih kangkawitan langar
Ekat siang lengan teka aku nanyu budu dintung, manas leut kuai dilunate ; Pa debuk;10 maret 2010



Secara singkat tumet leut diatas memiliki makna tentang ungkapan betapa masih terjaganya suatu kearifan lokal budaya maanyan.
walaupun jaman terus berubah tak akan mampu mengikis darah maanyan yang mengalir dalam tubuh. walaupun berada di tempat yang jauh dari kampung halaman tetap budaya maanyan tidak akan hilang di telan kehidupan majemuk. Maanyan tetap Maanyan, 1bahasa 1asal usul akan menjadi pengikat persaudaraan yang kuat dimana saja berada. (ebbi) 

5 komentar:

  1. Balasan
    1. yai na persila, tkm sameh2 babagi nmpan maanyan tau maju...

      Hapus
    2. bujur iru...aku pada setuju ma naun ri...takam sasameh ngampi maju tumpuk takam maanyan
      mari berkunjung pada ma blog ku
      http://jonimaanyan.blogspot.co.id/

      Hapus
  2. hai generasi penerus lestarikan budaya nenek moyang kita jangan tergilas dengan waktu , paling tidak hal yang terkecil untuk pemberian nama anak kita yang tersisip bahasa maanyan " pokok ni pung gere "

    BalasHapus
    Balasan
    1. hiay... sepakat tu'u... amun puang takam hie lagi,

      Hapus

..

Komunitas Anak Dayak Maanyan (KOMANDAN) jln. Nnsarunai RT.V dabung (depan RSUD Tamiang Layang), Kabupaten Barito Timur, contact personne : (ebbi)+6285249537058 PIN BB: 27011fe5 (Alfirdaus) +621351946584 e-mail komandan_maanyan@yahoo.com komandanmaanyan@gmail.com